काठमाडौं । ललितपुरको पाटन अस्पतालमा कोरोना संक्रमित एक महिलाको मृत्यु भएको छ ।
भक्तपुर सूर्यविनायककी ती महिलाको आज बिहानै मृत्यु भएको ललितपुर जिल्ला स्वास्थ्य कार्यालयले जनाएको छ ।
साउन २१ गते अस्पतालमा भर्ना भएकी ६१ वर्षीया महिलाको उपचारकै क्रममा मृत्यु भएको पाटन अस्पतालले जनाएको छ ।
यससँगै नेपालमा कोरोना संक्रमणबाट मृत्यु हुनेको संख्या ११८ पुगेको छ ।
यसअघि, मंगलबार कोरोना भाइरसको संक्रमणकै कारण देशभरका विभिन्न अस्पतालहरुमा आठ जनाको मृत्यु भएको थियो ।
प्रतिक्रिया