विराटनगर । मोरङमा स्वास्थ्य कार्यालयकै प्रमुखसहित थप १ सय ५ जनामा कोरोना संक्रमण पुष्टि भउको छ ।
संक्रमण पुष्टि हुनेमा विराटनगर महानगरपालिकाका मात्रै ९६ जना छन् ।
कोसी अस्पतालको कोभिड–१९ उपचार केन्द्रको व्यवस्थापकको समेत जिम्मेवारी सम्हाल्दै आएका स्वास्थ्य प्रमुखसहित कार्यालयका अन्य २ कर्मचारीमा पनि कोरोना पुष्टि भएको छ ।
यसैगरी नोबेल शिक्षण अस्पतालमा कार्यरत एक चिकित्सकसहित ४ जना स्वास्थ्यकर्मीमा समेत कोरोना देखिएको छ ।
मोरङमा हालसम्म कोरोना संक्रमणको संख्या १ हजार १ सय ४१ पुगेको छ । संक्रमितमध्ये ३ सय ६३ जना निको भएका छन् । ११ जनाको मृत्यु भएको छ ।
उता, धरानको बीपी कोइराला स्वास्थ्य विज्ञान प्रतिष्ठानका एक नर्स र अस्पतालमा भर्ना भएका दुई महिलामा पनि कोरोना संक्रमण पुष्टि भएको छ । संक्रमित दुवै महिला धनुषाबाट रेफर गरिएका थिए ।
तीमध्ये एक जना ३० साताकी गर्भवती साउन ३१ मा र अर्की महिला पाठेघरमा समस्या भएर शल्यक्रियाका लागि साउन २९ मा प्रतिष्ठानमा भर्ना भएका थिए ।
वीपी प्रतिष्ठानमै मंगलबार साँझ मोरङको बुढीगंगा २ निवासी ६५ बर्षीया बृद्धा महिलाको उपचारको क्रममा मृत्यु भएको थियो ।
प्रतिक्रिया