वीरगन्ज । कोरोना संक्रमणबाट वीरगन्जमा थप दुईजनाको मृत्यु भएको छ ।
वीरगन्ज महानगरपालिका वडा नं. ४ विर्ता निवासी ८४ वर्षीय पुरुषको मंगलबार राति मृत्यु भएको हो ।
ती वृद्धको गत साउन २७ देखि नारायणी अस्थायी कोरोना अस्पताल गण्डकमा उपचार हुँदै आएको थियो ।
यसैगरी वीरगन्ज भिस्वाका ५७ वर्षीय पुरुषको मंगलबार दिउँसो मृत्यु भएको हो । नारायणी अस्पतालमा उपचार गराइरहेका ती पुरुषको जीन एक्स्पर्ट टेष्ट गर्दा कोरोना पोजेटिभ आएको जिल्ला प्रशासन कार्यालय पर्साले जनाएको छ ।
यससँगै पर्सामा हालसम्म २३ जना व्यक्तिको कोरोना संक्रमणकै कारण मृत्यु भैसकेको छ ।
बुधबार बिहानै ललितपुरको पाटनमा समेत भक्तपुरकी एक महिलाको मृत्युभएको छ । देशभर मृत्यु हुनेको संख्या ११९ पुगेको छ ।
प्रतिक्रिया