१६ चैत्र २०८०, शुक्रबार | March 29, 2024

निजी अस्पताल र मेडिकल कलेजले कोरोना संक्रमितका लागि बेड नछुट्याए पीसीआर टेस्ट अनुमति खारेज गरिने



काठमाडौं । स्वास्थ्य तथा जनसंख्या मन्त्रालयले मेडिकल कलेजहरुले एक तिहाई बेड र निजी अस्पतालहरुले २० प्रतिशत बेड कोरोना भाइरसका संक्रमितको लागि छ्ट्याउनुपर्ने स्पष्ट पारेको छ ।

मन्त्रालयले निजी अस्पतालले २० प्रतिशत बेड र मेडिकल कलेज एवं प्रतिष्ठानका लागि अलग्गै ब्लक या भवनमा एक तिहाई बेड नछुट्याए पीसीआर टेष्स्ट अनुमति खारेज गर्ने निर्णय गरेको प्रवक्ता डा. जागेश्वर गौतमले प्रष्ट पारे ।

मन्त्रालयको इन्सिेडेन्ट कमाण्ड सिस्टमको बुधबार बसेको बैठकले बेड छुट्याउने निजी अस्पताल, मेडिकल कलेज र प्रतिष्ठानलाई पीसीआर अनुमति यथावत राख्ने निर्णय पनि गरेको छ ।

प्रवक्ता गौतमले बेड छुट्याउनै पर्ने तर्क गर्दै भने सरकारी अस्पतालहरुमा कोरोना संक्रमित भरिएको अवस्थामा निजी अस्पताल या मेडिकल कलेजहरुले बिरामीको उपचार भन्न नसक्ने अवस्था आउने जिकिर गरे ।

प्रवक्ता गौतमले भने, ‘अबको कम्तिमा दुई वर्ष कोरोना बाहेक अन्य बिरामीको मात्र उपचार गर्छु भन्न सम्भव छैन । त्यतिबेला उनीहरुले आफ्नो अस्पताल या मेडिकल कलेजमा आउने बिरामीलाई उपचार गर्दिन भन्न सक्दैनन् ।’

कोरोना हव अस्तपालमा बिरामी भरिएपछि स्वतः निजी अस्पतालमा बिरामी पुग्ने भएका कारण अहिलेदेखि नै बेड छुट्याउन र त्यसका लागि मेनपावर तयार गर्नुपर्ने अवस्था निजी अस्पताल र मेडिकल कलेजहरुलाई आइपरेको गौतमले बताए ।

त्यतिबेला अस्पताल बन्द गर्छु भन्न निजी अस्पताल र मेडिकल कलेजका संचालकहरुले भन्न नसक्ने उनले जिकिर गरे ।

मन्त्रालयले यसअघि नै सूचना जारी गर्दै निजी अस्पतालहरुलाई कुल बेडको २० प्रतिशत र मेडिकल कलेजहरुलाई अलग्गै ब्लकमा एक तिहाई बेड छुट्याउन आग्रह गरेको थियो । त्यसका लागि कोरोना संक्रमितलाई उपचार गर्न प्रतिदिन प्रति बेड ३५ सय देखि १५ हजार रुपैयाँका दरले बजेट उपलब्ध गराउने पनि मन्त्रालयले निर्णय गरेको थियो ।

तर निजी अस्पतालहरुको छाता संगठन एशोसिएसन आफ प्राइभेट हेल्थ इन्स्टिच्युट आफ नेपाल (अफिन) र नेपाल चिकित्सक संघले समेत सरकारको निर्णय अव्यवहारिक भएको भन्दै सच्चाउन आग्रह गरेका थिए ।

उनीहरुले कोरोना संक्रमित र अन्य बिरामीहरुलाई एउटै अस्पतालमा उपचार गराउँदा भयावह अवस्था आउने दाबी गरेका छन् ।

प्रकाशित मिति : ३ भाद्र २०७७, बुधबार  ५ : १४ बजे

तिब्बतमा सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह

ल्हासा । उपप्रधान एवं परराष्ट्रमन्त्री नारायणकाजी श्रेष्ठले नेपाल– चीन सीमा

चैत २३ र २४ गते लुम्बिनीमा अन्तर्राष्ट्रिय शान्ति मेला

काठमाडौं । विश्व सम्पदा सूचीमा सूचीकृत लुम्बिनीको पर्यटन प्रवर्द्धनका लागि

लुम्बिनीका होटल व्यवसायी आन्दोलित

भैरहवा । पटक पटक अन्दोलित बनेका लुम्बिनी क्षेत्रका होटल व्यवसायी

लगानी सम्मेलनमा प्रदेशका आयोजनाको पनि स्टल राखिने

काठमाडौं । आगामी वैशाखमा हुने तेश्रो लगानी सम्मेलनका क्रममा प्रदेशस्तरीय

खुमबहादुर खड्कालाई भ्रष्टाचारको झुठ्ठो मुद्दामा फसाइयो, उनको योगदान अतुलनीय छ : सभापति देउवा

दाङ । नेपाली कांग्रेसका सभापति शेरबहादुर देउवाले कांग्रेस नेता खुमबहादुर