काठमाडौं । चिनिया लगानीको भिडियो एप टिकटकले टिकटक माथि झुठा आरोप लगाएको भन्दै ट्रम्प प्रशासनविरुद्ध मुद्दा दायर गरेको छ।
राष्ट्रिय सुरक्षामा खलल पुगेको भन्दै अमेरिकाले टिकटकलाई प्रतिवन्ध लगाउने प्रकृया अगाडि बढाएसँगै चिनियाँ लगानीमा संचालित एपले मुद्दा ट्रम्प प्रशासन बिरुद्ध मुद्दा दायर गरेको हो।
अमेरिकाले राष्ट्रिय सुरक्षामा असर पुगेको भन्दै आरोप लगाएको बिषयको खण्डन गर्दै टिकटकले राष्ट्रिय सुरक्षामा कुनै असर नपारेको चीनको बाइट डान्स कम्पनीले संचालन गरेको टिकटकले दावी गरेको छ । कम्पनीले अमेरिकाको आसन्न निर्वाचनमा चीनविरोधी जनमत प्राप्त गर्न प्रतिबन्ध लगाउन खोजेको जिकिर गरेको छ ।
ट्रम्प प्रशासनका बिरुद्ध टिकटकले क्यालिफोर्नियाको फेडरल कोर्टमा सोमवार दायर गरेको समाचार एजेन्सीहरुले पुष्टि गरेका छन् । कम्पनीले दायर गरेको मुद्दामा अमेरिकी सरकारले विना कुनै प्रमाण निषेधको तयारी गरिरहेको उल्लेख गरिएको छ । अमेरिकाको बाणिज्य विभाग, राष्ट्रपति ट्रम्प र वाणिज्य सचिव विवर रसविरुद्ध मुद्दा दायर भएको हो।
ट्रम्पले दुई फरक फरक मितिमा आदेश जारी गर्दै अगस्ट ६ मा बाइट डान्सको कारोबारमा निषेध र सेप्टेम्बर २० मा बाइट डान्स अमेरिकी कम्पनीलाई बिक्री गरेर ९० दिनभित्र टिकटकका एसेट्सहरु हस्तान्तरण गर्न भनेका थिए।
प्रतिक्रिया