प्युठानमा एकै दिन थपिए १४ संक्रमित

खलङ्गा । प्युठानमा एकै दिन १४३ जनामा कोरोना संक्रमण पुष्टि भएको छ । जिल्लाको नौबहिनी गाउँपालिका र ऐरावती गाउँपालिकाका थप १४ जनामा कोरोना संक्रमण पुष्टि भएको हो ।

प्रदेश जनस्वास्थ्य प्रयोगशाला रुपन्देहीमा गरिएको परिक्षणमा नौबहिनी गाउँपालिकाका एक महिलासहित ५ जना र ऐरावती गाउँपालिकाका ९ पुरुष गरी १४ जनामा कोरोना संक्रमण पुष्टि भएको स्वास्थ्य कार्यालय प्युठानले जनाएको छ ।

नयाँ थप भएका संक्रमितहरु क्वारेन्टाइनमै बसेका र उनिहरु २ देखी ६१ बर्ष उमेर समुहका रहेको स्वास्थ्य कार्यालयले जानकारी दिएको छ ।

प्युठानमा मंगलबार दिउँसो पनि ४ जना नयाँ संक्रमित थपिएका थिए ।

पछिल्लो रिपोर्ट सँगै जिल्लामा कोरोना संक्रमित हुनेको संख्या ४ सय ३५ पुगेको छ । प्युठानमा १ जनाको मृत्यु भइ सकेको छ भने ३ सय ७४ जना कोरोना मुक्त भइ घर फर्केका छन् ।

स्वास्थ्य कार्यालयका अनुसार स्वाव संकलन गरिएका १ सय ८८ जनाको पिसिआर नतिजा आउन बाँकी रहेको छ ।