नेपालगन्ज । बाँकेमा पछिल्लो २४ घण्टामा ३३ जना कोरोना संक्रमित थपिएका छन् । स्वास्थ्य कार्यालय बाँकेका अनुसार बिहिबार थपिएका संक्रमितहरुमा १२ महिला र २१ पुरुष छन् ।
बाँकेमा आज थपिएका संक्रमितहरुमा नेपालगन्ज उपमहानगरका ११ जना, कोहलपुर नगरपालिकाका ८ जना, जानकी गाँउ पालिकाका ६ जना, राप्ती सोनारीका १ जना, खजुरा गाँउपालिकाका १ जना तथा बिभिन्न ठेगानाका बाँकेमा नेपाली सेनामा कार्यरत ६ जनामा संक्रमण पुष्टि भएको छ । उनीहरुको ठेगाना गोरखा, नवलपरासी, कपिलवस्तु, रुकुम, मकवानपुर र तनहुं रहेको छ । आज कोरोना पोजिटभ आउनेहरुमा २ जना महिला चिकित्सक पनि रहेका छन् ।
बाँकेमा ९५३ जनामा संक्रमण फैलंदा ६८२ जना कोरोना मुक्त भएर घर फर्केका छन् भने ६ जनाको मृत्यु भएको छ ।
प्रतिक्रिया