बुटवल । नवलपरासीबाट उपचारका लागि भिम अस्पतालमा भर्ना भएकी एक संक्रमित महिलाको मृत्यु भएको छ ।
बिगत ३ दिनदेखि अस्पतालमा उपचाररत ६५ वर्षिया महिलाको मंगलबार राती मृत्यु भएको स्वास्थ्य कार्यायल रुपन्देहीले जनाएको छ । उच्च ज्वरो आएपछि उपचारका लागि लुम्बिनी प्रादेशिक अस्पताल पुगेकी महिलालाई अस्पतालमा बेड खालि नभएको भन्दै भिम अस्पताल पठाईएको थियो । १ साता अघि कोरोना पुष्टि भएकी ती महिला केहि दिन स्थानीय आइसोलेसनमा बसेर उपचार गरेपनि स्वास्थ्यमा समस्या देखिएपछि प्रादेशिक अस्पताल पुगेकी थिईन् ।
आईसीयूको बेड खालि नभए पछि उनलाई भिम अस्पताल पठाइृएको स्वास्थ्य कार्यालय रुपन्देहीका कोरोना फोकलपर्शन केदारनाथ शाहले बताए । मंगलबार राती ९ः३५ मा संक्रमित महिलाको मृत्यु भएको उनले बताए ।
प्रतिक्रिया