नेपालगन्ज । बाँकेमा बिहिबार ३९ जना नयाँ कोरोना संक्रमित थपिएका छन् । भेरी अस्पतालको प्रयोगशालामा भएको पीसीआर परीक्षणबाट १० महिला र २९ पूरुषमा संक्रमण पुष्टि भएको स्वास्थ्य कार्यालय बाँकेले जनाएको छ ।
बिहिबार थपिएका संक्रमितहरुमा नेपालगन्ज उपमहानगरबाट १४ जना छन् भने कोहलपुर नगरपालिकाका १९ जना छन् । त्यसैगरि भेरी अस्पतालका कर्मचरी ३ जना, जिल्ला प्रहरी कार्यालयका १ जना र बाँके बाहेक ठेगाना रहेका २ जनामा पनि संक्रमण पुष्टि भएको छ ।
बिहिबार थपिएसँगै बाँकेमा जम्मा संक्रमितहरुको संख्या ११३४ जना पुगेको छ । बाँकेबाट ७७३ जना कोरोना मुक्त भएर घर फर्केका छन् भने ६ जनाको मृत्यु भएको छ । बाँकेमा अहिले ३४५ जना बिभिन्न आइसोलसनमा बसेर उपचार गराईरहेका स्वास्थ्य कार्यालय बाँकेका कोरोना फोकलपर्शन नरेश श्रेष्ठले बताए ।
बाँकेमा संक्रमित थपिने क्रमसँगै डिस्चार्ज हुनेको संख्या पनि थपिँदै गएको छ । बिहिबार नै बाँकेबाट २४ जनाको डिस्चार्ज भएको थियो ।
प्रतिक्रिया