काठमाडौं । पछिल्लो २४ घण्टामा कोरोना भाइरसको संक्रमणबाट देशभर ११ जना संक्रमितको मृत्यु भएको छ ।
स्वास्थ्य तथा जनसंख्या मन्त्रालयले सोमबार अपरान्ह सार्वजनिक गरेको पछिल्लो अद्यावधिक विवरण अनुसार ७ जिल्लाका ११ जनाको मृत्यु भएको हो । जसमध्ये ४ जना महिला र ७ जना पुरुष रहेका छन् ।
काठमाडौंमा सबैभन्दा बढी ३ जना महिलाको मृत्यु भएको छ । उनीहरु ३७, ९० र ८३ वर्ष उमेका रहेका थिए ।
यसैगरी कास्कीका ६३ वर्षीया महिलाको पनि मृत्यु भएको छ ।
यस्तै, मोरङमा सबैभन्दा बढी ३ जना पुरुषको मृत्यु भएको मन्त्रालयले जारी गरेको तथ्यांकमा जनाइएको छ । उनीहरु ७६, ८७, ६२ वर्षका रहेका छन् ।
यस्तै, सर्लाहीका ३५ वर्षीय, दोलखाका ५९ वर्षीय, मकवानपुरका ३९ वर्षीय र बाँकेका ५९ वर्षीय पुरुषको मृत्यु भएको मन्त्रालयले जनाएको छ ।
हालसम्म देशभर ३०० जनाको मृत्यु भएको छ । नेपालमा कोरोना भाइरको संक्रमणबाट हुने मृत्युदर ० दशमलव ६४ प्रतिशत रहेको छ ।
प्रतिक्रिया