काठमाडौं । क्यारेबियन प्रिमियर लिग (सीपीएल) काे सेमिफाइनलमा नेपाली लेगस्पिनर सन्दीप लामिछाने आवद्ध जमैका तल्लावाज पराजित भएको छ ।
ट्रिन्बागो नाइट राइडर्ससँग गएराति भएको सेमिफाइनल खेलमा जमैका ९ विकेटले पराजित भएको हो । यो जितसँगै नाइट राइडर्स फाइनल प्रवेश गरेको छ । जमैकाले दिएको १ सय ७ रनको सामान्य लक्ष्य नाइट राइडर्सले १५ ओभरमा १ विकेट गुमाएर पूरा गर्यो ।
उसका लागि लिन्डल सिमन्सले ५४ र टिवन वेबस्टारले अविजित ४४ रन बनाए । बलिङमा जमैकाका मुजीबउर रहमानले १ विकेट लिए ।
सेमिफाइनलमा सन्दीप भने विकेटविहीन रहे । उनले ४ ओभर बलिङ गर्दा विनाविकेट २९ रन खर्चिए । यो सिजनको सीपीएलमा सन्दीप विकेटकविहीन भएको यो पहिलो खेल हो ।
त्यससअघि टस हारेर ब्याटिङको मौका पाएको जमैकाले निर्धारित २० ओभरमा ७ विकेट गुमाएर १ सय ७ रन मात्र बनाउन सक्यो ।
उसका लागि नकरुम्हा बोन्नरले ४१, कार्लोस ब्रार्थवेटले १३, कप्तान रोभम्यान पावेलले ३३ रन बनाउँदा बाँकी ब्याट्सम्यानले भने दोहोरो अंकमा समेत रन बनाउन सकेनन् । बलिङमा नाइट राइडर्सका अकिल होसेनले ३, खरी पिर्रेले २, सुनिल नारायण र फवाद अहमदले १र१ विकेट लिए ।
जितसँगै नाइट राइडर्सले फाइनलमा सेन्ट लुसिया जुक्सले फाइनलमा स्थान बनाएको छ । जुक्सले गयना अमेजन वारियर्सलाई १० विकेटले हराएर फाइनलमा स्थान बनाएको छ ।
प्रतिक्रिया