काठमाडौं । कोरोना भाइरसको संक्रमणबाट देशभर ६जना संक्रमितको मृत्यु भएको छ ।
स्वास्थ्य तथा जनसंख्या मन्त्रालयले अपटेड गरेको पछिल्लो तथ्यांक अनुसार ६ जिल्लामा ६ जनाको मृत्यु भएको हो । जसमध्ये ३ जना महिला र ३ जना पुरुष रहेका छन् ।
यसरी मृत्यु हुनेमा काठमाडौंका ८३ वर्षीया महिला र ६७ वर्षीय पुरुष, कास्कीका ७३ वर्षीया महिला, अर्घाखाँचीका ४२ वर्षीय पुरुष रहेका छन् ।
यस्तै, बाँकेका ८० वर्षीया महिला र नवलपरासीका ६४ वर्षीय पुरुषको मृत्यु भएको मन्त्रालयले जनाएको छ ।
यससँगै हालसम्म ३१२ जनाको मृत्यु भएको छ । यो मृत्युदर ० दशमलव ६३ प्रतिशत रहेको छ ।
प्रतिक्रिया