बुटवलमा थपिए १३ नयाँ कोरोना संक्रमित, ५ जनाको ठेगाना अस्पष्ट

बुटवल । पछिल्लो २४ घण्टामा बुटवल उपमहानगरमा १३ जना नयाँ कोरोना संक्रमित थपिएकाछन् । उपमहानगरको स्वास्थ्य शाखाले दिएको जानकारी अनुसार बुधबार उपमहानगरमा १० पुरुष र ३ महिलामा संक्रमिण पुष्टि भएको छ ।

बुटवल उपमहानगरमा बुधबार पनि स्पष्ट ठेगाना नखुलेका ५ जनामा संक्रमिण पुष्टि भएको छ । उप महानगरको स्वास्थ्य शाखाका अनुसार ठेगानामा बुटवलमात्र लेखाएर स्वाव दिएका ५ जना सहित वार्डनम्बर ११ मा ३ जना तथा वार्ड नम्बर २, ३, ४, ६ र ९ मा १।१ जना नयाँ संक्रमित थपिएका छन् ।

बुटवलमा आज सम्ममा ४२८ जनामा संक्रमण पुष्टि भएकोमा १९५ जना कोरोना मुक्त भएर घर फर्केका छन् भने २३३ जनाले होम आइसोलसन तथा उपमहानगर भित्रको अस्पताल तथा एन्फा आइसोलेसनमा बसेर उपचार गराई रहेका छन् । उपमहानगरमा ६ जना कोरोना संक्रमितको मृत्यु भईसकेको छ । बुटवलमा स्पष्ट ठेगाना नखुलेका संक्रमितको संख्या ३३ पुगेको छ ।