२४ घण्टामा ५ जना कोरोना संक्रमितले ज्यान गुमाए

काठमाडौं । पछिल्लो २४ घण्टामा कोरोना संक्रमणबाट देशभर ५ जनाको मृत्यु भएको छ ।

एक जना महिला र ४ जना पुरुषको मृत्यु भएको स्वास्थ्य तथा जनसंख्या मन्त्रालयले जनाएको छ । जसमध्ये मोरङका एक जना ४० वर्षीया महिला रहेकी छिन् ।

यस्तै, महोत्तरीका ६५ वर्षीय, धनुषाका ४५ वर्षीय, काठमाडौंका ७० वर्षीय र नवलपरासीका ५५ वर्षीय पुरुषको मृत्यु भएको मन्त्रालयले अद्यावधिक गरेको पछिल्लो तथ्यांकमा उल्लेख गरिएको छ ।

यससँगै हालसम्म मृत्यु हुनेको संख्या ३२२ पुगको । मृत्युदर कुल संक्रमितको ० दशमलव ६२ प्रतिशत रहेको छ ।