काठमाडौं । छिमेकी मित्रराष्ट्र चीनले नेपाललाई पाँच हजार थान टेन्ट सहयोग गरेको छ ।
चिनियाँ राजदूत हाउ यान्छीले प्राकृतिक विपदका बेला प्रयोगमा आउने पाँच हजार टेन्ट हस्तान्तरण गरिएको जानकारी गराएकी छिन् ।
राजदूत यान्छीले सामाजिक सञ्जाल टुवीटरमार्फत टेन्स सहयोग गरेको जानकारी गराएकी हुन् ।
ट्वीटरमा उनले लेखेकी छिन्, ‘पाँच हजार थान टेन्टको चिनियाँ सहयोग नेपाली साथीहरुलाई सफलतापूर्वक हस्तान्तरण गरिसकेका छौं । प्राकृतिक विपद र कोभिड–१९ को महामारीविरुद्धको लडाईंमा नेपाललाई सहयोग गर्नका लागि हामीले आफ्नो उत्कृष्ट प्रयास गर्नेछौं।’
नेपालमा आइपर्ने हरेक विपत्तिमा चीनले विभिन्न सहयोग गर्दैआएको छ । कोरोना महामारी फैलिएपछि चीनले मेडिकल मास्क, पीपीई लगायत अन्य स्वास्थ्य सामाग्री सहयोग गरिसकेको छ ।
चीन सरकार र चीनका विभिन्न सहयोगी संगठनहरुले नेपालमा गत भूकम्पकको बेलामा पनि सहयोग गरेका थिए ।
प्रतिक्रिया