काठमाडौं । सत्तारुढ नेपाल कम्युनिष्ट पार्टी नेकपाको शुक्रबार स्थगित भएको सचिवालय बैठक आज बस्दैछ ।
पुष्पकमल दाहाल प्रचण्ड पार्टीको कार्यकारी बनेपछिको यो पहिलो सचिवालय बैठक हो ।
गत भदौ २६ गते बसेको स्थायी कमिटी बैठकले प्रचण्डलाई कार्यकारीको हैसियत दिएको थियो । यस्तै, अध्यक्ष केपी शर्मा ओलीले ५ वर्षसम्म सरकारको नेतृत्व गर्ने निर्णय भएको थियो ।
आजको बैठकमा स्थायी कमिटी बैठकले गरेका निर्णयहरुलाई कार्यान्वयन गर्नेबारे छलफल हुने बताइएको छ ।
बैठक नेकपा पार्टी कार्यालय पेरिसडाँडामा बस्ने तय भएको छ । यसअघिका सबै बैठकहरु प्रधानमन्त्री निवास बालुवाटार एवं पार्टी कार्यालय धुम्बाराहीमा बस्ने गरेको थियो ।
पूर्वमाओवादीको पार्टी कार्यालय रहेको पेरिसडाँडामा पार्टी एकीकरणपछि कुनै पनि बैठक बसेको थिएन ।
भौतिक दूरी कायम गर्दै बैठक बस्न पेरिसडाँडा कार्यालय उपयुक्त देखिएका कारण सोही ठाउँ छनौट गरिएको नेकपा महासचिव विष्णु पौडेलले बताएका छन् ।
सचिवालय बैठकका लागि गत बिहीबार नै पेरिसडाँडाको माथिल्लो तलास्थित बैठक कक्षलाई तयारी अवस्थामा राखिएको थियो ।
प्रतिक्रिया