नेपालगन्ज । शनिबार ३० जना नयाँ कोरोना संक्रमित थपिएको बाँकेमा आईतबार २३ जना कोरोना मुक्त भएर घर फर्केका छन् । स्वास्थ्य कार्यालय बाँकेका अनुसार आईतबारसम्म लगातार १४ दिन लक्षण नदेखिएका २३ जनालाई डिस्चार्ज गरिएको छ । आज डिस्चार्ज हुनेमा खजुरा गाँउपालिकाका अध्यक्ष किस्मत कुमार कक्षपति सहित २३ जना छन् । अध्यक्ष कक्षपतिका परिवारहरुपनि आजै डिस्चार्ज हुदैछन । कोरोनालाई जितेर घर फर्कनेमा नेपालगन्ज मेडिकल कलेजका डाक्टर, अन्य स्वास्थ्यकर्मि लगाएत रहेको स्वास्थ्य कार्यालयले जनाएको छ ।
संक्रमण पुष्टि भएपछि बाँकेका बिभिन्न आइसोलेसनमा बसेर उपचाररत उनीहरुमा लगातार १४ दिन सम्म कोरोनाको कुनै लक्षण नदेखिएपछि डिस्चार्ज गरिएको स्वास्थ्य कार्यालय बाँकेका कोरोना फोकलपर्शन नरेश श्रेष्ठले बताए ।
बाँकेमा कुल कोरोना संक्रमितको संख्या १८०५ पुग्दा १४३४ जना कोरोना मुक्त भएर घर फर्केका छन् । १२ जना कोरोना संक्रमितको ज्यान गएको बाँकेमा ३५९ जनाले अहिले पनि बिभिन्न अस्पताल तथा आइसोलेसनमा बसेर उपचार गराईरहेका छन् । बाँकेमा संक्रमित बन्ने र निको हुनेको दर ७९ दशमलब ४५ प्रतिशत रहेको छ भने मृत्यु दर ० दशमलव ६६ प्रतिशत रहेको छ ।
प्रतिक्रिया