नेपालगन्ज । बाँकेबाटआज पनि ३४ जना कोरोनामुक्त भई डिस्चार्ज भएका छन् । जन स्वास्थ्य कार्यालय बाँकेका अनुसार बुधवार बाँकेबाट १७ महिला र १७ पुरुष गरी ३४ जना कोरोनामुक्त भई डिस्चार्ज भएका हुन् ।
गत भदौ ३१ गते कोरोना संक्रमण पुष्टि भएपछि विभिन्न आइसोलेशनमा राखिएका उनीहरुले मापदण्ड अनुसार १४ दिन पुरा गरेको हुँदा डिस्चार्ज गरिएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताए । योसँगै बाँकेमा कोरोना संक्रमणबाट निको भई डिस्चार्ज हुनेको संख्या १ हजार ५ सय ४१ पुगेको छ ।
विभिन्न आइसोलेसन केन्द्रमा अन्य जिल्लाका ९ सहित ३ सय ४० जना सक्रिय संक्रमित उपचाररत रहेको श्रेष्ठले जानकारी दिए । बाँकेमा हालसम्म कोरोनाबाट संक्रमितको संख्या १ हजार ८ सय ८७ रहेको छ भने १५ जनाको मृत्यु भईसकेको छ ।
प्रतिक्रिया