रुपन्देहीमा संक्रमित थपिने क्रमले रेकर्ड कायम गर्दै, बिहिबार थपिए ९१ संक्रमित

बुटवल । रुपन्देहीमा कोरोना संक्रमितको संख्या बढ्ने क्रम दिनदिनै बढिरहेको छ । पछिल्लो समय संक्रमितको संख्या बढ्नेसँगै मृत्युको दर पनि बढेको छ । गएको २४ घण्टामा मात्र रुपन्देहीमा ९१ जना नयाँ संक्रमित थपिएका छन् ।

रुपन्देहीमा बुटवल उपमहानगरपालिकामा संक्रमित बढ्ने क्रम पनि हरेक दिन बढिरहेको छ । बुटवलमामात्र ५४ जना नयाँ कोरोना संक्रमित थपिएका छन् । जिल्लाको तिलोत्तमा नगरपालिकामा १६ जना, सिद्धार्थ नगर नगरपालिकामा ८ जना, सुद्धोदन गाँउपालिकामा ५ जना, सैनामैना नगरपालिकामा ४ जना, सियारी गाँउपालिकामा २ जना तथा रोहिणी र मायादेबी गाँउपालिकामा १।१ जना नयाँ संक्रमित थपिएका छन् ।

बिहिबारसम्ममा रुपन्देहीमा कुल संक्रमितको संख्या २७०२ जना पुगेको छ भने २५ जना कोरोना संक्रमितको जिल्लामा मृत्यु भएको छ ।