३१ जेष्ठ २०८१, बिहिबार | June 14, 2024

भालुवाङले थारु र मगरात सभ्यताको प्रतिनिधित्व गर्छ : मुख्यमन्त्री पोखरेल



बुटवल । प्रदेश ५ का मुख्यमन्त्री पोखरेलले प्रदेशको प्रस्तावि राजधानी भालुवाङ क्षेत्रले थारु र मगरात सभ्यताको प्रतिनिधित्व गर्ने दाबी गरेका छन् ।

प्रदेशसभाको बैठकमा विशेष समय लिएर बोल्दै मुख्यमन्त्री पोखरेलले
भने, ‘दुईवटा सभ्यताको संगमको रुपमा जसरी ५ नं. प्रदेश बन्यो त्यसैगरी प्रदेश राजधानको प्रस्तावित ठाउँले समेत दुई सभ्यतालाई समेट्छ ।’

पोखरेलले भालुवाङले प्रदेशको साझा मनोविज्ञानको पनि प्रतिनिधित्व गर्ने दाबी गरे ।

मुख्यमन्त्री शंकर पोखरेलले बुटवलमा चलेको अखण्ड लुम्बिनीको आन्दोलनलाई सम्मान व्यक्त गरेका छन् ।

प्रदेश सभाको बैठकमा विशेष समय लिएर सम्बोधन गर्दै मुख्यमन्त्री पोखरेलले अखण्ड लुम्बिनीबारे बुटवलमा भएको आन्दोलनले मधेस र पहाड छुट्याएर प्रदेश बनाउनु पर्ने मागलाई निस्तेज बनाएको जिकिर गरे ।

पोखरेलले बुटवलमा भएको आन्दोलनमा रुकुम, रोल्पाका जनताको पनि नैतिक समर्थन रहेको समेत दाबी गरे ।

पोखरेलले सरकारले प्रस्ताव गरेको राजधानी र नामाकरणको प्रस्ताव संसदले गठन गरेको बिशेष समितिको सिफारिसकै आधारमा गरिएको दाबी गरे ।

उनले १२ जिल्लाका जनताको समृद्दिको चाहनालाई प्रतिनिधित्व गरेर सरकारले प्रस्ताव गरेको स्पष्ट पारे ।

५ नम्बर प्रदेश समृद्द बनाउन सक्दा मुलुक नै समृद्द बन्ने जिकिर गर्दै मुख्यमन्त्री पोखरेलले कहाँ राजधानी बनाउने होईन कस्तो राजधानी बनाउने भन्ने कुरामा आधारमा राजधानीको प्रस्ताव गरेको जिकिर गरे ।

मुख्यमन्त्री पोखरेलले प्रस्ताव गरिएको स्थानमा बग्ने राप्ती नदी प्रदेश भित्र मात्र बग्ने एउटा मात्र मुख्य नदी भएको बताए ।

बाँके र बर्दियाबाट हरित क्रान्तिको सुरुवात गर्ने सम्भावना रहेको उल्लेख गर्दै उनले राप्ती नदीको सिक्टा र भेरी बबई डाईभर्सनको काम पुरा हुँदा बाँके बर्दियालाई हरित क्रान्तिमा कसैले रोक्न नसक्ने स्पष्ट पारे ।

बुटवल भैरहवा औद्योगिक करिडोरको डीपीआर तयार भईसकेको जनाउँदै पोखरेलले लुम्बिनी अस्पताललाई नेपालकै नमुना अस्पताल बनाउने तयारी भएको जानकारी दिए । सैनामैनामा नेपालकै ठूलो कृषि बजारको अवधारणा अगाडि बढाइएको मुख्यमन्त्री पोखरेलले बताए ।

प्रदेशमा नेपालकै सबैभन्दा ठुलो चिडियाखाना बुटवलमा बनाउने, उजिरसिंह रङ्गशाला र बुटवल भैरहवा करिडोरलाई आर्थिक राजधानीका रुपमा विकास गर्न सकिने प्रदेश सरकारले मान्यता राखेको उनले बताए । उनले आजकै मन्त्रिपरिषदको बैठकले बुटवल क्षेत्रलाई पर्यटकीय राजधानीका रुपमा विकास गर्ने निर्णय गरेको समेत जानकारी दिए ।

 

पोखरेलले राजधानी दाङ मात्र होइन लुम्बिनी अञ्चलको अर्घाखाँचीको सितगङ्गा नगरपालिकालाई मिसाएर लुम्बिनीको पनि समावेश गरिएको स्पष्ट पारे । सितगङ्गा अघाँखाँचीको सबैभन्दा पिछडिएको क्षेत्र भएको भन्दै उनले अब यो स्थान सबैभन्दा चर्चित हुने जिकिर गरे ।

राजधानी प्रस्तावमा कुनै राजनीति नगरिएको स्पष्ट पार्दै मुख्मन्त्री पोखेलले प्रस्तावि राजधानीका दुई स्थानीय पालिकामा नेपाली काँग्रेसको नेतृत्व रहेको जनाए । पोखरेलले प्रदेश सरकारले प्रदेशका सबै जिल्ला र क्षेत्र र इलाकामा विकास गर्ने प्रतिवद्धताा जनाए ।

 

 

प्रकाशित मिति : २० आश्विन २०७७, मंगलबार  २ : ३१ बजे

बुटवलमा दृष्टीबिहिनका लागि १५ दिने ब्रेल लिपी सिप विकास तालिम

बुटवल । बुटवलमा दृष्टी बिहिनहरुका लागि ब्रेली लिपी (गोपेर लेख्ने

जीवनस्तर सर्वेक्षण प्रतिवेदन सार्वजनिक, २० दशमलव २७ प्रतिशत जनसङ्ख्या अझै गरिबीको रेखामुनि

काठमाडौं । नेपाल जीवनस्तर सर्वेक्षण चौथो २०७९/८० को विस्तृत प्रतिवेदन

जिल्ला न्यायाधीशको आवश्यकता- ४३, लिखित परीक्षामा उत्तीर्ण जम्मा आठ जना

काठमाडौं । न्याय सेवा आयोगले जिल्ला न्यायाधीशका लागि लिएको लिखित

माटोको ढिस्कोले पुरिएर दुईको मृत्यु, एक बेपत्ता

नवलपुर । नवलपरासी (बर्दघाट सुस्तापूर्व) कावासोतीमा नाला निर्माणका लागि खाल्डो

लुम्बिनी प्रादेशिक अस्पतालमा असार १ गतेदेखि अनलाइन टिकट सेवा

बुटवल । लुम्बिनी प्रादेशिक अस्पताल बुटवलमा ओपीडी सेवाका लागि अनलाइन