बुटवल । आइतबार रुपन्देहीमा ९७ जनामा कोरोना सक्रमण पुष्टि भएको छ ।
रुपन्देहीमा आइतबार ४१ जना महिला र ५६ जना पुरुष गरि ९७ जनामा कोरोना संक्रमण पुष्टि भएको हो ।
स्वास्थ्य कार्यालय रुपन्देहीका अनुसार जिल्लामा आइतबार बुटवल उपमहानगरपालिकामा ४० जनामा कोरोना संक्रमण पुष्टि भएको छ ।
त्यस्तै तिलोत्तमा नगरपालिकामा २० जना, सिद्धार्थ नगरमा १२ जना, देवदहमा ६ जना, सैनामैनामा ४ जना मायादेवीमा ४ जना, सियारीमा ४ जना सुद्दोधनमा १ जना कंचनमा ५ जना र आमसतियामा १ जनामा कोरोना संक्रमण पुष्टि भएको स्वास्थ्य कार्यालय रुपन्देहीले जनाएको छ ।
रुपन्देहीमा आज थपिएसंगै कुल संक्रमितको संख्या ३६९२ पुगेको छ । जिल्लामा ३९ जना संक्रमितको मृत्यु भएको छ ।
प्रतिक्रिया