कोरोना संक्रमित थपिनेमा बुटवल उपमहानगरले लुम्बिनी प्रदेशका सबै पालिकाको नेतृत्व गर्दै, आज थपिए १०८ जना

बुटवल । लुम्बिनी प्रदेशको अस्थायी राजधानी बुटवलमा लगातार कोरोना संक्रमणको ग्राफ उकालो चढिरहेको छ । पछिल्लो हप्तामा रुपन्देहीमा ३ अंकले कोरोना संक्रमित थपिईरहेकोमा शुक्रबार जिल्लाको बुटवल उपमहानगरमा नै ३ अंकका दरले कोरोना संक्रमित थपिएका छन् ।

बुटवल उपमहामनगरको स्वास्थ्य शाखाले दिएको जानकारी अनुसार बुटवलमा शुक्रबार १०८ जना कोरोना संक्रमित थपिएका छन् । उपमहानगरको ११ नम्बर वार्डले बिगत अग्रता लिँदै गरेकोमा शुक्रबार भने वार्ड नमबर ४ ले उछिन्दै एकै दिन २८ जना नयाँ संक्रमित थपेको छ । वार्ड नम्बर ११ मा २३ जना संक्रमित थपिएका छन् । बुटवलको ८ मा ११, ७ मा १०, वार्ड नमबर ९ र १० मा ६।६ जना कोरोना संक्रमित थपिएका छन् । त्यसैगरि १३ मा ५, ३, ६ र १४ मा ३।३ जना, १२ र १९ मा २।२ जना तथा १५ मा १ जना र वार्ड नख्ुलेको ५ जनामा कोरोना संक्रमण पुष्टि भएको छ ।

बुटवलमा आज थपिएसँगै कुल संक्रमितको संख्या १९४५ पुगेको छ । उपमहानगरका बिभिन्न आइसोलेसन तथा होम आइसोलेसनमा अहिले पनि ८७६ जनाले कोरोना संक्रमिण मुक्तिको प्रतिक्षा गरिरहेका छन् ।