भैरहवाको पेट्रोल पम्पमा आगलागी

भैरहवा । भैरहवाको अञ्चलपुर स्थित एक पेट्रोल पम्पमा आगलागी भएको छ । सिद्धार्थनगर नगर पालिका वार्ड नं.८ मा रहेको एभरेष्ट आयल सप्लायर्समा आगलागी भएको हो ।

सोमबार राती करिब ८ बजेको समयमा आयल निगमबाट पम्पका लागि इन्धन लिएर आएको ट्यांकरले ट्यांकीमा तेल खनाउने क्रममा आगलागी भएको प्रहरीले जनाएको छ ।

आगो लागे लगत्तए प्रहरीको समन्वयमा सिद्धार्थनगर नगरपालिका, तिलोत्तमा नगरपालिका,बुटवल उपमहानगरपालिका तथा लुम्बिनी सांस्कृतिक नगरपालिकाका दमकलले आगो निभाएको थियो ।

प्रहरीको सक्रियतामा समयमै दमकलहरु घटनास्थल पुग्न सफल भएका कारण आगो नियन्त्रणमा आएको स्थानीयले बताएका छन् ।