काठमाडौं । प्रमुख प्रतिपक्षी दल नेपाली काँग्रेसका नेता एवं सांसद गगन थापाले सरकारले गरेका गलत क्रियाकलाप विरुद्ध संसद बैठक आह्वान गर्नुपर्ने बताएका छन् ।
नेता थापाले आफ्नै पार्टी सभापति शेरबहादुर देउवालाई मेन्सन गरी आज गरेको ट्वीटमा सरकार कर्तव्यच्युत बन्दै गएको भन्दै सच्चिन पर्ने बाध्य बनाउन संसद बैठक बोलाउनुपर्ने जिकिर गरेका छन् ।
थापाले संसदबाट भागेको सरकारलाई तानेर संसदमा फिर्ता ल्याउनुपर्ने बताएका छन् ।
उनले भनेका छन्, ‘कर्तव्यच्यूत सरकारलाई निर्णय सच्याउन आव्हान गरेर मात्र हाम्रो कर्तव्य पूरा हुँदैन।संसदबाट भागेको सरकारलाई तानेर संसदमा फिर्ता नल्याई हुँदैन।संसदको बैठक राख्न बाध्य पारी,सदन र सडकको शक्ति एकीकृत गर्न सक्दामात्र पथभ्रष्ट र मतिभ्रष्ट सरकारलाई सच्चिनैपर्ने बनाउन सकिन्छ’ ।
.@DeubaSherbdr कर्तव्यच्यूत सरकारलाई निर्णय सच्याउन आव्हान गरेर मात्र हाम्रो कर्तव्य पूरा हुँदैन।संसदबाट भागेको सरकारलाई तानेर संसदमा फिर्ता नल्याई हुँदैन।संसदको बैठक राख्न बाध्य पारी,सदन र सडकको शक्ति एकीकृत गर्न सक्दामात्र पथभ्रष्ट र मतिभ्रष्ट सरकारलाई सच्चिनैपर्ने बनाउन सकिन्छ
— Gagan Thapa (@thapagk) October 20, 2020
प्रतिक्रिया