काठमाडौं । राष्ट्रपति विद्यादेवी भण्डारीले कोरोना उपचार कोषमा दुई महिनाको पारिश्रमिक र चाडपर्व भत्ता जम्मा गरेकी छिन् ।
राष्ट्रपति कार्यालयले बुधबार जारी गरेको विज्ञप्तिमा राष्ट्रपति भण्डारीले दुई महिनाको पारिश्रमिक र चाडपर्व भत्ता सरकारद्वारा खोलिएको कोरोना भाइरस संक्रमण तथा रोकथाम उपचार कोषमा जम्मा गरेको जनाएको छ ।
यसअघि मन्त्रिपरिषद्ले सरकारका सबै मन्त्रीहरुको दशैं भत्ता कोरोना कोषमा उपचार गर्ने निर्णय गरेको थियो । प्रधानमन्त्री केपी शर्मा ओले भने गत बैशाखदेखि नै आफ्नो मासिक पारिश्रमिक सोही कोषमा जम्मा गर्ने गरेका छन् ।
यस्तै सत्तारुढ नेपाल कम्युनिष्ट पार्टी नेकपा र प्रमुख प्रतिपक्षी दलबाट प्रतिनिधित्व गर्ने संघीय संसदका सांसदहरुको दशैं भत्ता पनि सोही कोषमा जम्मा गर्ने निर्णय भैसकेको छ ।
प्रतिक्रिया