काठमाडौं । नेपाली कांग्रेसका सभापति शेरबहादुर देउवाले पार्टीका शिर्ष नेताहरुको छलफल बोलाएका छन् ।
आगामी सोमबार बोलाइएको सो छलफलमा २१ गते बस्ने पार्टी केन्द्रीय कार्यसमिति बैठकको तयारीबारे छलफल हुने बताइएको छ ।
केन्द्रीय कार्यसमिति बैठकअघि सभापति देउवाले पदाधिकारी र पूर्वपदाधिकारीहरुसँग छलफल गर्न खोजेका छन् ।
गत असोजमा पार्टीका वरिष्ठ नेता रामचन्द्र पौडेलसहित २७ कन्द्रीय नेताले सभापतिको कार्यशैली विरुद्ध केन्द्रीय कार्यालयमा लिखित प्रस्ताव दर्ता गराएका थिए । त्यसपछि असोज १७ गते सोही विषयमा छलफलका लागि बैठक बसेको थियो ।
तर, १९ गते बोलाइएको बैठक भने केन्द्रीय नेताहरुलाई कोरोना संक्रमण देखिएपछि स्थगित गरिएको थियो ।
आगामी सोमबार बोलाइएको शिर्ष नेताहरुको बैठकमा सभापति देउवाले रामचन्द्र पक्षलाई मनाउने प्रयास गर्ने बुझिएको छ ।
प्रतिक्रिया