नेपालगन्ज । दाङको तुलसीपुरबाट उपचारका क्रममा नेपालगन्ज मेडिकल कलेज कोहलपुर पुगेका एक जना कोरोना संक्रमितको मृत्यु भएको छ । तुलसीपुर १८ का ७० वर्षिय पुरुषको आज अपरान्ह २ः४५ बजे मृत्यु भएको बाँके जिल्ला कोभिड १९ संकट ब्यवस्थापन केन्द्रले जानकारी दिएको छ ।
स्वास्थ्यमा समस्या देखिएपछि कार्तिक १३ गते मेडिकल कलेज कोहलपुर भर्ना भएका उनीमा कोरोनाको लक्षण देखिएपछि १४ गते स्वाव संकलन गरिएको थियो । आज बिहान मात्र कोरोना संक्रमण पुष्टि भएको उनको अपरान्ह २ः४५ बजे मृत्यु भएको जिल्ला कोभिड १९ संकट ब्यवस्थापन केन्द्रका कोरोना फोकलपर्शन नरेश श्रेष्ठले जानकारी दिए ।
आज मात्र बाँकेमा बाहिरीस् जिल्लाबाट उपचार गर्न आएका २ जनाको मृत्यु भएको छ । आज भएको मृत्युसँगै अन्य जिल्लाबाट बाँकेमा उपचार गर्न आएका १९ जना कोरोना संक्रमितको उपचारका क्रममा मृत्यु भएको छ ।
प्रतिक्रिया