बुटवल । गुल्मीबाट उपचारका लागि बुटवल ल्याईएका एकजना कोरोना संक्रमितको मंगलबार साँझ मृत्यु भएको छ ।
गुल्मी दरबार गाँउपालिका ६ का ८५ वर्षीय पुरुषको साँझ ७ः३० बजे कोरोना बिशेष अस्पतालमा मृत्यु भएको लुम्बिनी प्रादेशिक अस्पतालले जनाएको छ ।
स्वास्थ्यमा समस्या आएपछि १३ कार्तिकमा लुम्बिनी प्रादेशिक अस्पतालमा ल्याईएका उनीमा कोरोनाको लक्षण देखिएपछि गरिएको पीसीआर परीक्षणमा साहि दिन कोरोना संक्रमण पुष्टि भएको थियो ।
१३ गते देखि नै कोरोना बिशेष अस्पतालमा भर्ना रहेका उनलाई सबै प्रकारको उपचारको पद्धती अपनाउँदा पनि बचाउन नसकिएको अस्पतालका प्रवक्ता डा. विष्णु गौतमले बताए ।
प्रतिक्रिया