बर्दिया । बर्दियाको गेरूवा गाउँपालिकामा मानिस र घरपालुवा जनावर माथि आक्रमण गरेर आतंक मचाईरहेको पाटे बाघ नियन्त्रण लिईएको छ । बर्दिया राष्ट्रिय निकुञ्ज आसपासका बस्तीहरुमा आतंक मच्चाएको बाघलाई बाघ नियन्त्रण टोलीले आईतबार दिउँसो १ बजे नियन्त्रणमा लिएको हो ।
पछिल्लो समय बर्दियामा बाघले घर पालुवा जनावरसँगै मान्छेको ज्यान नै लिई आतंक मच्चाएको थियो । करिब एक हप्ता देखीको प्रयासले बाघलाई नियन्त्रणमा आएको होे । बाघ नियन्त्रण टोलीले एक हप्ता अघिदेखि बर्दिया राष्ट्रिय निकुञ्जसंग जोडिएको गेरूवा गाउँपालिकाको विभिन्न ठाउँहरुमा बाघ नियन्त्रणमा लिने प्रयास जारी राखेको थियो ।बर्दिया राष्ट्रिय निकुञ्ज सुरक्षार्थ तैनाथ नेपाली सेना र निकुञ्जको प्राविधिक टोलीले डार्ट (बेहोस) बनाएर बाघलाई नियन्त्रणमा लिएको निकुञ्जले जनाएको छ ।
पछिल्लो समय त्यसक्षेत्रमा बाघले घर पालुवा जनावरसँगै मान्छेको ज्यान नै लिई आतंक मच्चाएको थियो । बाघ नियन्त्रणमा आएपछि स्थानियले केही राहत महशुस गरेका छन ।
बर्दियामा बाघको आक्रमणबाट ६ जना बढीको मृत्यु भईसकेको छ ।
प्रतिक्रिया