६ जेष्ठ २०८१, आइतबार | May 19, 2024

नेकपा विवाद थप पेचिलो : कार्यकारी अध्यक्षको हैसियतमा प्रचण्डले बोलाए सचिवालय बैठक



काठमाडौं । सत्तारुढ नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डले कार्यकारी अध्यक्षको हैसियतमा सचिवालयको आधिकारिक बैठक बोलाउने तयारी गरेका छन् ।

बैठकको सहमतिका लागि अर्का अध्यक्ष एवं प्रधानमन्त्री केपी शर्मा ओलीको सहमतिका लागि लिखित पत्र नै बुझाएका अध्यक्ष प्रचण्डले ओली सहमत नभएपछि आफै बैठक बोलाउन लागेका हुन् ।

पार्टी कार्यालय धुम्बाराहीमा अपरान्ह ४ बजे बैठक बस्ने गरी सबै सदस्यलाई जानकारी पठाइएको बुझिएको छ । यद्यपी, प्रचण्डको सचिवालयले दिउँसो टुंगो लाग्ने बताएको छ । ‘दिउँसो ३ बजेतिर यसबारे जानकारी हुनेछ’, प्रचण्डका प्रेस संयोजक विष्णु सापकोटाले बताए ।

पार्टीभित्र बढेको विवादबारे छलफल गर्न अध्यक्ष प्रचण्ड, वरिष्ठ नेता माधवकुमार नेपाल, झलनाथ खनाल, वामदेव गौतम र नारायणकाजि श्रेष्ठले सचिवालय बैठकका लागि सहमति खोज्दै अध्यक्ष ओलीलाई सोमबारसम्म गत शनिबार पत्र बुझाएका थिए ।

सोमबारसम्म बैठकबार जानकारी दिन आग्रह गरेपनि ओलीले भने बैठक बसाल्न नचाहे पछि प्रचण्डले कार्यकारी अधिकार प्रयोग गर्दै बैठकको तयारी गरेका हुन् ।

प्रचण्डले बैठकको तयारी गरेपछि लुम्बिनी प्रदेशका मुख्यमन्त्री एवं स्थायी कमिटी सदस्य शंकर पोखरेलले खुमलटारमा पुगेर प्रचण्डलाई भेट गरेका छन् ।

नेकपामा अहिलेसम्म सचिवालय बैठक दुवै अध्यक्षको सहमतिमा मात्र बोलाईंदै आएको छ । यसअघि ओलीले प्रचण्डले एकल रुपमा सचिवालय बैठक बोलाए त्यहीँबाट पार्टी फुटको अवस्था आउने चेतावनी दिएका थिए । पार्टीभित्र आफै कार्यकारी अध्यक्ष भएको ओलीको दाबी छ ।

सचिवालय बैठकमा अध्यक्ष ओली एवं उनी निकट महासचिव विष्णु पौडेल र इश्वर पोखरेल उपस्थित हुने सम्भावना भने कम छ । यसअघिको अनौपचारिक बैठकमा उपस्थित नभएका अर्का सचिवालय सदस्य रामबहादुर थापा आजको बैठकमा उपस्थित हुन के गर्छन्, त्यो पनि क्लियर भएको छैन ।

 

 

प्रकाशित मिति : २५ कार्तिक २०७७, मंगलबार  १ : ४७ बजे

भरतपुरमा सात वर्षमा सात सय किलोमिटर सडक कालोपत्र

चितवन । कुनै बेला भरतपुर महानगरपालिकाका सडकमा गहिरा खाल्डा थिए

ट्राफिक प्रहरी जवान घिमिरेको हत्यामा संलग्न ७ जना सार्वजनिक

काठमाडौं । ट्राफिक प्रहरी प्रभाग, दरबारमार्गमा कार्यरत प्रहरी जवान युवराज

ओझेलमा पर्यटकीय रुडुबन्चु पाटन

कालीकोट । कालीकोटको तिलागुफा नगरपालिका-१० मा पर्ने पर्यटकीयस्थल पाटन रुडुबन्चु

इजरायली हवाई आक्रमणमा २० जनाको मृत्यु

गाजापट्टी । मध्य प्यालेस्टिनी क्षेत्रमा रहेको शरणार्थी शिविरको एक घरलाई

कार्यदलमा अझै जुटेन सहमति

काठमाडौं । सहकारी प्रकरण छानबिन गर्न बन्न लागेको संसदीय छानबिन