काठमाडौं । हङकङको ख्यातिप्राप्त रेमिटान्स कम्पनी केएमई रेमिटान्स र जीएमई रेमिट प्रालीबीच रेमिटान्स सम्झौता भई कारोबार सुरु भएको छ ।
सम्झौता भएसँगै अब हङकङमा बस्ने नेपालीहरूलेको सेवा प्रयोग गरी जीएमई रेमिटको माध्यमबाट सजिलैसँग नेपालमा रहेका आफ्ना आफन्तहरुलाई पैसा पठाउन सक्नेभएका छन् ।
उक्त सम्झौतामा जीएमई रेमिट प्रालीको तर्फबाट प्रबन्ध निर्देशक तथा प्रमुख कार्यकरी अधिकृत दिवाकर पौडेल र केएमई लिमिटेडको तर्फबाट निर्देशक तथा प्रमुख कार्यकरी अधिकृत गोकर्णप्रसाद ढकालले संयुक्त रूपमा हस्ताक्षर गरेका छन्।
यो सम्झौताअनुसार नेपालमा जीएमई रेमिटसँग आबद्ध १० हजार भन्दा बढी एजेन्टहरूबाट सजिलै नगद भुक्तानी लिन सकिने छ । साथै, नेपालको जुनसुकै बैंकको खातामा तुरुन्त रकम झिक्न मिल्ने गरी जम्मा समेत गर्न सकिनेछ । यसका साथै मोबाइल वालेटमा समेत लोड गर्न सकिने सुबिधा उपलब्ध छ।
जीएमई रेमिट प्रालीले विप्रेषण क्षेत्रमा छोटो समयमा नै आफ्नोे छुट्टै पहिचान बनाई सफलता हासिल गर्न सफल भएको छ ।
प्रतिक्रिया