काठमाडौं । एक दिने भ्रमणको क्रममा नेपालमा रहेका चिनियाँ स्टेट काउन्सिलर एवं रक्षामन्त्री वेइ फेङ्हेलाई नेपाली सेनाले गार्ड अफ अनर दिएको छ ।
रक्षामन्त्री वेइ नेपाल सेनाको जंगी अड्डा भद्रकाली पुग्दा सैन्य टुकडीले सम्मान गारद अर्पण गरेको हो ।
रक्षामन्त्री वेइले जंगी अड्डाको निरीक्षण गरेका छन् । वेइले प्रधानसेनापति पूर्णचन्द्र थापासँग द्वीपक्षीय वार्ता गरेका छन् ।
२१ सदस्यीय प्रतिनिधिमण्डको नेतृत्व गरेका वेइसँग चिनियाँ जनमुक्ति सेनाका उच्च अधिकारीहरु समेत सामेल छन् ।
रक्षामन्त्री वेइले आजै राष्ट्रपति विद्यादेवी भणडारी र प्रधानमन्त्री केपी शर्मा ओलीसँग शिष्टाचार भेट गर्ने कार्यक्रम रहेको छ ।
प्रतिक्रिया