काठमाडौं । सत्तारुढ दल नेपाल कम्युनिस्ट पार्टीको सचिवालय बैठक सुरु भए लगत्तै स्थगित भएको छ ।
प्रधानमन्त्री निवास बालुवाटारमा दिउँसो २ः३० बजेबाट सुरु भएको बैठक केही बेरमै स्थागित भएको हो ।
बैठकपछि पत्रकारसँग कुरा गर्दै प्रवक्ता श्रेष्ठले प्रधानमन्त्री ओली अनुपस्थित भएपछि केहीबेर बसेर बैठक स्थगित भएको जानकारी दिए।
उनले पार्टीमा देखिएको विवाद समधानका लागि प्रधानमन्त्री ओलीसहित छलफल गर्न उपयुक्त हुन्छ भनेर स्थगित गरिएको बताए। यससँगै भोलिका लागि तय भएको स्थायी कमिटी बैठक पनि प्रभावित भएको छ । स्थायी कमिटी मंसिर २१ मा बस्नेछ ।
बैठकमा प्रधानमन्त्री एवं पार्टी अध्यक्ष केपी शर्मा ओली सहभागी हुने बताईएपनि उनी बैठकमा अनुपस्थित भएका थिए ।
प्रतिक्रिया