काठमाडौं । आज नेपाली कांग्रेसको पदाधिकारी बैठक बस्दैछ ।
सभापति शेरबहादुर देउवाले शुक्रबार दिउँसो २ बजे बुढानिलकण्ठमा पदाधिकारीको बैठक बोलाएको मुख्यसचिव कृष्णप्रसाद पौडेलले जानकारी दिए ।
आजको बैठक वरिष्ठ नेता रामचन्द्र पौडेललाई तनहुँमा प्रहरीले गरेको गिरफ्तार र दुर्व्यवहारलगायत विषयमा केन्द्रित हुने बताइएको छ ।
बुधबार तनहुँको व्यास नगरपालिकाको वडा नम्बर १ र ११ जोड्ने बुल्दी खोलाको पुल उद्घाटन गर्न पुगेका नेता पौडेललाई प्रहरीले निषेधाज्ञा तोडेको भन्दै जबरजस्ती नियन्त्रणमा लिएको थियो ।
त्यसपछि कांग्रेसले देशभर विरोध प्रदर्शन गरेको छ ।
प्रतिक्रिया