काठमाडौं । कोदोको खिर बनाउँदै नेपालका सन्तोष साह ‘बीबीसी मास्टर सेफ प्रोफेसनल्स २०२० यूके’ को शीर्ष चारमा पुगेका छन् ।
मंगलबार राति फाइनल चरणको पहिलो समूहबाट उनी शीर्ष चारमा पुगेका हुन् । नेपाली सेफ साह मंगलबार राति ‘बीबीसी वान’ टेलिभिजनबाट प्रशारण भएको कार्यक्रममा विभिन्न प्रतिस्पर्धीलाई पछि पार्दै शीर्ष चारमा पुगेका हुन् ।
अन्तिम चारमा पुग्नका लागि उनले डिजर्टको रुपमा कोदोको खिर बनाएर निर्णयकसामु पस्किएका थिए । सँगै उनले यो प्रतिस्पर्धाबाट छनोट हुनका लागि आँपको कुल्फी र अमौरा बनाए ।
यो प्रतिस्पर्धाको हरेक चरणमा नेपाली खाना पस्किँदै आएका उनी यही प्रतिस्पर्धामा सहभागी भएपछि नेपालभित्रसमेत चर्चित बनेका छन् ।
प्रतिक्रिया