काठमाडौं । नेपाल काँग्रेसका सभापति शेरबहादुर देउवाले प्रतिनिधिभा भंग गर्नु असंवैधानिक भएको बताएका छन् ।
काँग्रेस केन्द्रीय कार्यसमितिको जारी बैठकलाई सम्बोधन गर्दै सभापति देउवाले असंवैधानिक कदम विरुद्ध काँग्रेस सशक्त रुपमा प्रस्तुत हुने बताए ।
देउवाले प्रधानमन्त्री केपी शर्मा ओलीको आलोचना गर्दै असंवैधानिक कदमविरूद्ध प्रतिरोध गर्नुपर्ने धारणा राखे । काँग्रेस जिम्मेवार भएर अघि बढ्ने बताउँदै देउवाले राष्ट्र संकटमा परेको बेलामा अभिभावकीय भूमिका खेल्ने बताए ।
बैठकलाई सम्बोधन गर्दै नेता रामचन्द्र पौडेलले ओली सरकारको कदमलाई कुनै पनि बहानामा स्वीकार गर्न नहुने जिकिर गरे । पौडेलले पार्टीका कोही पनि नेता अहिले सत्ताको लोभमा पर्न नहुने बताए ।
बैठकपछि प्रवक्ता विश्वप्रकाश शर्माले बैठक जारी रहेको जानकारी दिए । केन्द्रीय सदस्यहरूले बोल्ने क्रम सकिएपछि काँग्रेसले उपयुक्त निर्णय लिने उनले बताए ।
प्रतिक्रिया