काठमाडौं । नेपाल कम्युनिष्ट पार्टी (नेकपा) ओली पक्षको केन्द्रीय कमिटीको जारी तेस्रो बैठकले पार्टी प्रदेश संयोजकहरुको जिम्मेवारी हेरफेर तथा नयाँ संयोजकहरु तोकेको छ ।
प्रधानमन्त्री निवास बालुवाटारमा बिहीबार अपराह्न बसेको बैठकले प्रदेश नं १ मा सुवास नेम्वाङ र २ मा सत्यनारायण मण्डललाई तोकेको छ ।
यसैगरी वाग्मती प्रदेशमा ईश्वर पोखरेल, काठमाडौं उपत्यकामा कृष्णगोपाल श्रेष्ठ तोकिएका छन् भने गण्डकी प्रदेशमा पृथ्वीसुब्बा गुरुङलाई नै निरन्तरता दिइएको छ ।
यस्तै, लुम्बिनी प्रदेशमा शङ्कर पोखरेल तोकिएका छन् भने कर्णाली प्रदेशमा मणि थापा लाई तोकिएको छ ।
सुदूरपश्चिम प्रदेशमा लेखराज भट्टलाई प्रदे संयोजकको जिम्मेवारी दिइएको छ ।
बैठकले जनसङ्गठन संयोजकको जिम्मेवारी टोपबहादुर रायमाझीलाई दिएको महासचिव विष्णुप्रसाद पौडेलले जानकारी दिए ।
केन्द्रीय कमिटी बैठकले पार्टी विधान संशोधन गर्दै पुष्पकमल दाहाल ‘प्रचण्ड’लाई कार्यकारी अध्यक्षको जिम्मेवारीबाट हटाएको छ ।
प्रतिक्रिया