बुटवल सुख्खानगरकी एक महिलाको कोरोना संक्रमणबाट मृत्यु

बुटवल । बुटवल कोरोना विशेष (अस्थायी) अस्पतालमा उपचाररत थप एक कोरोना संक्रमित महिलाको मृत्यु भएको छ ।

बुटवल उपमहानगरपालिका वडा नम्बर-८ सुख्खानगरकी ४२ वर्षीया महिलाको उपचारका क्रममा आज बिहान ११:४५ मृत्यु भएको हो ।

पुस १० गते बुटवल कोरोना विशेष (अस्थायी) अस्पताल बुटवलमा भर्ना भएकी ती महिलामा पुस ५ गते कोरोना संक्रमण पुष्टि भएको थियो ।

उपचारका क्रममा उनको आज शुक्रबार बिहान ११ बजेर ४५ मिनेटमा मृत्यु भएको अस्पतालका प्रवक्ता डा।विष्णु गौतमले जानकारी दिए ।