डोटी । जिल्लाको पूर्वीचौँकी गाउँपालिका-२ मा भीरबाट लडेर ६० वर्षीय काले भुलको मृत्यु भएको छ ।
गोरु गोठालो गएका बेला सोमबार जौपुल्ले भीरबाट लडेर उनि मृत अवस्थामा फेला परेको जिल्ला प्रहरी कार्यालय डोटीका सूचना अधिकारी एंव प्रहरी नायब उपरीक्षक इन्द्रबहादुर मल्लले जानकारी दिए ।
जिल्ला अस्पताल डोटीमा शव परीक्षण गरिएको प्रहरीले जनाएको छ । यसैगरी अछाम जिल्लाको मङ्गलसेन नगरपालिका-१३ की ५३ वर्षीया विशुदेवी ढुङ्गानाको ढुङ्गा लागेर मृत्यु भएको छ ।
जिल्ला प्रहरी कार्यालय अछामका अनुसार भारत्या भन्ने जङ्गलमा घास काट्ने क्रममा भीरबाट खसेको ढुङ्गा लाग्दा उनको घटनास्थलमै मुत्यु भएको हो । रासस
प्रतिक्रिया