बलात्कार विरुद्ध बसन्तपुर–सिंहदरबार महिला मार्चपास हुने

काठमाडौं । बृहत नागरिक आन्दोलनले बलात्कार विरुद्ध बसन्तपुर-सिंहदरबार मार्चपास गर्नेभएको छ ।

देशभर भैरहेका एकपछि अर्को बलात्कारका घटनाको विरोधमा ‘सिंहदरबार महिला मार्च पास’ गर्न लागेको आन्दोलनले जनाएको छ ।

मार्चपास माघ ३० गते शुक्रबार दिउँसो २ बजे बसन्तपुरमा भेला भएर सिंहदरबारको मुलगेटसम्म हुने वृहत नागरिक आन्दोलनले जनाएको छ। मार्चपासमा सहभागी हुन आन्दोलनले अपि गरेको छ ।

गत बुधबार बैतडीकी भागरथी भट्टको बलात्कारपछि हत्या भएको छ । तर, अहिलेसम्म पनि अपराधी पक्राउ परेका छैनन् ।

वृहत नागरिक आन्दोलनले मार्चपासमा सहभागी हुन अपिल जारी गर्दै ‘एकपछि अर्को बलात्कारीको सुरक्षा गर्ने र सयौं अपराधीको पहरेदारी गर्ने सत्ता नचाहिने जनाएको छ ।

‘एकपछि अर्को बलात्कारीको सुरक्षा गर्ने, सयौं अपराधीको पहरेदारी गर्ने तिम्रो सत्ता हामीलाई चाहिँदैन। यसलाई अब कसरी र कहिलेसम्म टिकाउँछौं ?’ भन्ने प्रश्न गर्दै बृहत नागरिक आन्दोलनले सडकबाट चुनौती दिने जनाएको छ ।