१३ मंसिर २०७९, मंगलबार | November 29, 2022

बागमती प्रदेशसभा बैठक फेरि स्थगित, सभामुख विरुद्ध प्रचण्ड-नेपाल नेकपा क्रुद्ध



काठमाडौं । बागमती प्रदेशका मुख्यमन्त्री डोरमणि पौडेलविरूद्धको अविश्वास प्रस्तावमाथी आज पनि छलफल नहुने भएको छ ।

आजका लागि बोलाइएको बागमती प्रदेश सभाको बैठक विशेष कारण भन्दै अर्को सूचना जारी नभएसम्मका लागि स्थगित गरिएको छ ।

आजको बैठकमा मुख्यमन्त्री डोरमणि पौडेलविरुद्ध दर्ता गरिएको अविश्वासको प्रस्तावमाथि छलफल हुने र केही विधेयकको प्रस्ताव पनि प्रस्तुत हुने सम्भावित कार्यसूची रहेको थियो । यसअघि सोमबार बसेको प्रदेशसभाको बैठक आजका लागि बैठक बोलाएको थियो ।

दिउँसो २ बजेका लागि तय गरिएको बैठक आज बिहान ६ः३७ बजे सूचना टाँस गरेर अनिश्चितकालसम्म स्थगित गरिएको छ । बैठक स्थगित गरिएपछि प्रचण्ड नेपाल नेकपा निकट सांसदहरु कुद्ध बनेका छन् ।

ओली पक्षको लाचार छायाँ बनेर सभामुखले फेरि बैठक स्थगित गरेको भन्दै उनीहरु सभामुख विरुद्ध नै मुद्दा हाल्ने तयारीमा रहेका छन् ।

प्रधानमन्त्री केपी शर्मा ओली निकट मुख्यमन्त्री पौडेलविरुद्ध प्रचण्ड-नेपाल पक्षका ४५ जना प्रदेशसभा सदस्यहरुले गत पुस १० गते अविश्वासको प्रस्ताव दर्ता गराएका थिए । त्यसयता प्रदेशसभामा अविश्वासको प्रस्तावमाथि छलफल हुन सकेन ।

अविश्वासको प्रस्ताव छल्न विना कारण बैठक स्थगित गरिएको भन्दै प्रचण्ड-नेपाल पक्षले गत माघ १९ मा नारावाजीसमेत गरेका थिए ।

पुस ५ मा प्रतिनिधिसभा विघटन गरिएसँगै विभाजित बनेको नेकपामा प्रचण्ड-नेपाल पक्षधरको बहुमत रहेको प्रदेशसभामा मुख्यमन्त्रीविरूद्ध अविश्वासको प्रस्ताव दर्ता गरिएको थियो ।

प्रदेशसभामा नेकपाका दुई समुहबाहेक नेपाली काँग्रेसका २२, साझा विवेकशील दलका तीन, नेपाल मजदुर पार्टीका दुई, राप्रपा दुई र स्वतन्त्र एक गरी ११० जना सदस्य रहेका छन्।

प्रकाशित मिति : ५ फाल्गुन २०७७, बुधबार  ८ : ३५ बजे

जनकपुरधाममा एकै समारोहमा २६ जोडीको विवाह

जनकपुरधाम । जनकपुरधाममा एकै समारोहमा २६ जोडीको विवाह सुसम्पन्न भएको

एकै घरका दुई दाजुभाई लुम्बिनी प्रदेशसभा सदस्यमा निर्वाचित

बुटवल । एकै घरका दुई दाजुभाइ लुम्बिनी प्रदेशसभा सदस्यमा निर्वाचित

बालेन कदमलाई केपी ओलीले तमासा देख्दा ओली माथि बालेनको प्रश्नै प्रश्न

काठमाडौं । काठमाडौं महानगरपालिकाका मेयर बालेन्द्र साह (बालेन)ले नेकपा एमालेका

कागजको फोहोर व्यवस्थापन गर्न नबिलले गर्यो डोकोसँग सम्झौता

काठमाडौ । नबिल बैंक र डोको रिसाइक्लर्स बीच बैंकमा हुनसक्ने

बैंक अफ काठमाण्डूलाई दुई करोडभन्दा जरिवाना

काठमाडौं । बैंक अफ काठमाण्डूले दुई करोड ११ लाख ८५