बुटवल । प्रतिनिधि सभा विघटनको विरोधमा बुटवलका नागरिक अगुवाहरुले साँकेतिक प्रदर्शन गरेका छन् । अग्रगमनका लागि नागरिक आन्दोलन नाम दिईएको प्रदर्हनमा सहभागी नागरिक प्रतिनिधिहरुले बिभिन्न नारा लेखिएका प्लेकार्डहरु हातमा बोकेका थिए ।
बुटवलको पुष्पलाल पार्कका सडक किनारमा प्लेकार्ड सहित उभिएका नागरिक आन्दोलनका अभियन्ताहरुले संसद विघटनबाट मुलुकमा प्रतिगमनको खतरा बढेको बताएका थिए ।
‘हामी चाहन्छौं अदालतले संविधानको रक्षा गरोस,’ ‘यो सडकको आवाज सुन’, ‘जनताका कुरा सुन’, ‘हामी चाहन्छौं विधिको शासन’ जस्ता नारा लेखिएका प्लेकार्ड बोकेका अभियन्ताहरु १ घण्टा बढी सडक किनारमा उभिएर मौन प्रदर्शन गरेका थिए ।
प्रदर्शनमा बुटवल क्षेत्रका लेखक, साहित्यकार, विद्यार्थी र विभिन्न पेशाकर्मीसमेत रहेको नागरिक आन्दोलन गठन गरेर आन्दोलन जारी राखेका छन् । स्वतन्त्र नागरिकहरुको आवाज सरोकारवाला सम्म पु¥याउन र आम नागरिकलाई असंवैधानिक कदमका बिषयमा जागरुक गराउन नागरिक आन्दोलन थालिएको नागरिक अगुवा रामचन्द्र श्रेष्ठले बताए ।
प्रतिक्रिया