काठमाडौं । नेकपा माओवादी केन्द्रका अध्यक्ष प्रचण्डले प्रतिगमनका विरुद्ध आफु नागरिक समाजले पत्याए आन्दोलनको नेतृत्व दिन र नपत्याए नागरिक आन्दोलनको पछि पछि लाग्न तयार रहेको बताएका छन् ।
नागरिक आन्दोलनको तर्फबाट आज काठमाडौंमा भएको नागरिक बहस कार्यक्रममा बोल्दै प्रचण्डले प्रतिगन सच्याउनु र देशलाई सहि बाटोमा हिंडाउनु आजको कार्यभार भएको बताए । उनले प्रतिगमनका मतियारकारुपमा रहेका केपी ओलीलाई सडक र नागरिक आन्दोलनले नै हटाउन सक्ने बताउँदै नागरिक अगुवाले बिश्वास गरे आन्दोलनको नेतृत्व गर्न र बिश्वास नगरे नागरिक आन्दोलनको पछि लाग्न समेत आफु तयार रहेको बताए ।
उनले आफ्नो टाउको माथि अहिले पनि मुद्दा बाँकी रहेको उल्लेख गर्दै राजनीतिमा अहिले माओवादी केन्द्र सबै भन्दा बढी पिडित पार्टी भएको बताए । उनले जनयुद्धकै क्रममा मधेसले धेरै बलिदान गरेको स्मरण गर्दै मधेसवादी पार्टीबाट पनि मधेसको अधिकारका लागि ठूलो बलिदान रहेको उल्लेख गरे ।
अहिलेको अवस्थामा पिडितहरुको मोर्चा बनाएर पिडकका विरुद्ध संघर्ष गर्न आवश्यक रहेको बताउँदै अध्यक्ष प्रचण्डले मधेस आन्दोलन, लोकतान्धिक आन्दोलन र कम्युनिष्ट आन्दोलनका बीच मोर्चा बनाएर अगाडी बढाउन आवश्यक रहेको बताए ।
प्रचण्डले सरकारलाई दिएको समर्थन एकदुई दिनमै फिर्ता लिने बताउँदै संसद विघटनलाई असंवैधानिक भनेर सडकमा गएका दलहरुबाटै हतारमा समर्थन फिर्ता नलिन आफूमाथि जबरजस्त दबाव आएपनि अव रोक्न नहुने स्पष्ट पारे ।
कार्यक्रममा उनले भने, भने, ‘अब म नैतिक र राजनीतिक ढंगले धेरै दिन पर्खिन सक्दिन, राजनीति जतासुकै जाओस् ।’
अबको निकासबारे हिजो सडकमा भएका दलहरुबीच न्यूनमत सहमति होस्, सरकारलाई दिएको समर्थन फिर्ता र अविश्वासको प्रस्ताव दर्ता एकैपटक होस् भनेर मात्र दाह्रा किटेर समर्थन कायम राखेको उनको भनाई छ ।
प्रतिक्रिया