बुटवल । सर्वोच्च आदालले प्रतिनिधि सभा पुनःस्थापनाको फैसला गरेको खुसीयालीमा नेपाल कम्युनिष्ट पार्टी नेकपा प्रचण्ड-नेपाल पक्षले बुटवलमा विजय जुलुस निकालेको छ।
बुटवलको राजमार्ग चौराहबाट सुरु भएको बाजागाजा सहितको विजय जुलुसले नगरपरिक्रमा गरेपछि ट्राफिक चौकमा पुगेर कोण सभा समेत गरेको छ । कोणसभालाई नेकपा रुपन्देहीका अध्यक्ष राजु गुरुङ, केन्द्रीय सदस्य बामदेव क्षेत्री लगायतका वक्ताले सम्बोधन गरेका थिए ।
जुलुसमा सहभागी नेकपाका कार्यकर्ताहरुले यो जित कसको जनताको, प्रतिगामी प्रधानमन्त्री राजीनामा दे, लोकतन्त्र जिन्दावाद जस्ता नारा लगाएका थिए । नेकपा प्रचण्ड-नेपाल पक्षले पैसला आए लगत्तै बुटवल र यस आसपासको क्षेत्रमा दिपावली समेत गरेको थियो ।
प्रतिक्रिया