काठमाडौं । संसद पुनःस्थापना भएसँगै दलहरुले आफ्नो संसदीय रणनीति तय गर्न धमाधम संसदीय बैठक बोलाएका छन् । आज नेपाली कांग्रेस र प्रचण्ड-नेपाल पक्षको संसदीय दलको बैठक बस्दैछ भने शनिबार ओली पक्षको संसदीयदलको बैठक बस्ने तय भएको छ ।
नेकपा प्रचण्ड–नेपाल पक्षले शुक्रबार दिउँसो १ बजेका लागि सिंहदरबारमा संसदीय दलको बैठक डाकेको छ ।
प्रचण्ड–नेपाल पक्षले आज डाकेको बैठकमा प्रधानमन्त्री केपी ओलीलाई सरकारको नेतृत्वबाट हटाउने बिषयमा छलफल हुने बताईएको छ । प्रचण्ड-नेपाल पक्षले गत पुस ५ गते गरेको अविश्वासको प्रस्तावका सम्बन्धमा पनि छलफल हुने सो पक्षका एक नेताले बताए । सो प्रस्तावलाई फिर्ता लिएर नयाँ रणनीति बनाएर पनि जान सकिने तीले बताए ।
यसैगरी, नेपाली कांग्रेस संसदीय दलको बैठक पनि आजै बस्दैछ । कांग्रेसले शुक्रबार दिउँसो २ बजेलाई दलको बैठक बोलाएको छ । कांग्रेस भित्र सत्ताको नेतृत्व स्विकार गर्ने नगर्ने विषयमा चरम विवाद छ ।
प्रतिक्रिया