काठमाडौं । ओली पक्षीले आफुले आयोजना गरेको संसदीय दलको बैठकमा ११५ जना सांसद उपस्थित भएको दाबी गरेको छ ।
बालुवाटारमा सम्पन्न संसदीय दलको बैठकमा प्रतिनिधिसभाका ९१ जना सांसद उपस्थित भएको ओली पक्षले दाबी गरेको हो । यसैगरी राष्ट्रिय सभाका २४ जना सांसद समेत गरी ११५ जना सांसद उपस्थित भएको राष्ट्रिय सभाका सचेतक खिमलाल भट्टराईले बताएका छन् ।
बैठकबारे जानकारी दिँदै सचेतक भट्टराईले ‘अविश्वासको प्रस्ताव ल्याउन कसैले हिम्मत नगर्ने बताए । उनले बाहिर भएका सांसदहरु पनि मुल घरमै फर्किने दाबी गरे ।
दलको बैठकलाई सम्बोधन गर्दै प्रधानमन्त्री ओलीले अर्को पक्षमा रहेका थप सांसदहरु आफुहरुतिर आउने बताएको भट्टराईले जनाए । ओलीले सांसदहरुलाई संसदीय गतिविधिमा सक्रियतापूर्वक सहभागी हुन निर्देशन दिएका छन् ।
शुक्रबार प्रचण्ड नेपाल पक्षको संसदीय दलको बैठकमा ११५ जना सांसदहरु उपस्थित भएको सो पार्टीले दाबी गरेको थियो । बहुमत सांसदहरुको उपस्थितिमा ओलीलाई दलको नेताबाट हटाएर प्रचण्डलाई नेता बनाएको थियो ।
प्रतिक्रिया