काठमाडौं । प्रमुख प्रतिपक्ष दल नेपाली काँग्रेसको अवरोधका कारण १० मिनेटका लागि स्थगित भएको प्रतिनिधिसभा बैठक बुधबारसम्मका लागि स्थगित भएको छ ।
बैठक सञ्चालन गर्ने विषयमा दलहरुबीच सहमति नबनेपछि सभामुख सापकोटाले सूचना टाँस गरेर बुधबार दिउँसो १ बजेसम्म बैठक स्थगित गसेका हुन् ।
सर्वोच्च अदालतको आदेशपछि पहिलो पटक बसेको बैठकको सुरुमै सरकारले अध्यादेश पेश गर्न खोजेपछि प्रचण्ड-नेपाल पक्षको नेकपाका सांसदहरुले बैठक बहिस्कार गरेका थिए ।
प्रचण्ड-नेपाल पक्षको बहिस्कार पछि पनि सभामुख सापकोटाले अध्यादेश पेश गर्ने प्रक्रिया अघि बढाएपछि प्रमुख प्रतिपक्षी दल काँग्रेसका सांसदहरुले विरोध गरेका थिए । विरोधकै बीच सभामुखले कानुनमन्त्रीलाई अध्यादेश पेश गर्न समय दिएपछि काँग्रेस सांसदहरुले बेल घेराऊ गरेका थिए । उनीहरुले संविधानको मर्म विपरित ल्याएको संबैधानिक परिषद् सम्बन्धी अध्यादेश फिर्ता गर्न माग गर्दे नाराबाजी गरेका थिए।
संवैधानिक परिषदसम्बन्धी अध्यादेशको विरोधमा जनता समाजवादी पार्टी जसपाका सांसदहरुले पनि उठेर विरोध गरेका थिए ।
त्यसपछि १० मिनेट भन्दै स्थगित भएको बैठकमा सहमति जुट्न नसकेपछि सभामुखले बैठक स्थगित गरेका हुन् ।
प्रतिक्रिया