काठमाडौं । नेकपा एमालेका नेता रघु पन्त विरुद्ध एमालेबाटै राष्ट्रिय सभाको सांसद कोमल वलीले गाली व्यइज्यती मुद्दा दायर गरेकी छिन् ।
पन्तले आफु विरुद्ध आपत्तिजनक शब्द प्रयोग गर्दै अभिव्यक्ति दिएको भन्दै ओलीले काठमाडौं जिल्ला अदालतमा मुद्दा दायर गरेकी हुन् ।
गत फागुन १५ गते आयोजित एक कार्यक्रममा नेता पन्तले वली विरुद्ध लैङ्गिक हिंसा जन्य शब्द प्रयोग गर्दै आलोचना गरेका थिए । पन्तको अभिव्यक्तिको सर्वत्र आलोचना भएपछि उनले माफी समेत मागेका थिए । नेता पन्तले गरेको टिप्पणीले आफुलाई चोट पुगेको तथा समस्त आमा, दिदीबहिनीहरुको मान प्रतिष्ठामा चोट पुगेकाले मुद्धा दायर गर्नुपरेको राष्ट्रिय सभा सदस्य वलीेले बताइन । नेता पन्तको टिप्पणीले सम्पूर्ण आमा, दिदीबहिनीहरु माथि लैंगिक हिंसा भएको उनको भनाइ छ ।
मुद्दा दायर गरेपछि ओलीले भनिन, ‘उहाँले माफी माग्नुभएको छैन । मेरो आशय त्यस्तो थिएन भन्नुभएको छ । त्यसकारण उहाँले म सँग माफि पनि माग्नुभएको छैन । पन्तको अभिव्यक्तिले सबै आमा दिदीबहिनीहरु माथि लैंगिक हिंसा भएको हुनाले, यौनिक उत्पीडनको कुरा भएको हुनाले, यौनिकता, महिला शोषणको कुरा भएकाले कानुनी प्रक्रियामा जाने मैले निर्णय गरे । अदालतले जे निर्णय गर्छ त्यसलाई मैले आत्मसात् गर्नेछु ।
सांसद वलीले आफु माथिल्लो सदनको विधायिका भएको हुनाले आफुले आत्मसम्मानको खोजी गर्न नसके, न्यायको खोजी गर्न र न्यायको लागि बोल्न नसके अरुको अवस्था पनि त्यस्तै हुने भन्दै अदालत आउनु बाध्यता भएको बताइन ।
प्रतिक्रिया