काठमाडौं । नेकपा माओवादी केन्द्रको स्थायी कमिटी बैठक आज दोस्रो दिन पनि बसिरहेको छ ।
पार्टी कार्यालय पेरिसडाँडामा बसिरहेको बैठकमा सत्ता समीकरण र पार्टीको संगठन सुदृढिकरणबारे छलफल हुने बताइएको छ ।
माओवादी केन्द्रको मंगलबार बसेको बैठकले नयाँ सरकार गठनबारे नेपाली काँग्रेस र जसपासँग वार्ता गर्ने निर्णय गरेको थियो । सोही निर्णयअनुसार अध्यक्ष प्रचण्डले काँग्रेस सभापति शेरबहादुर देउवार
र जसपाका नेता बाबुराम भट्टराईसँग प्रारम्भिक छलफल गरेका थिए । बैठकमा प्रचण्डले देउवा र भट्टराईसँग भएको छलफलबारे ब्रिफिङ गर्ने बताइएको छ ।
यद्यपी, जसपामा पूर्व राजपापक्ष प्रधानमन्त्री केपी शर्मा ओलीसँग मिल्नसक्ने आशंका माओवादी केन्द्रले गरेको छ । सत्ता टिकाउनका लागि जस्तो सुकै तिकड्म गर्न तयारी ओलीले अब जसपालाई फुटाउन सक्ने अवस्था रहेको माओवादी केन्द्रका एक नेताले बताए ।
सर्वोच्च अदालतले नेपाल कम्युनिष्ट पार्टी नेकपा खारेज गर्दै पूर्ववत पार्टीहरु नेकपा एमाले र माओवादी केन्द्र ब्यूँताइदिएपछि दुवै पार्टी अस्तित्वमा आइसकेका छन् ।
प्रतिक्रिया