बुटवल । बुटवलमा रहेको एक रेष्टुरेण्टमा आगलागी भएको छ ।
बुटवलको मिलनचोकमा रहेको दियालो फुडल्याण्डमा मध्यराति करिब १:३० बजे आगलागी भएको हो ।
आगलागिबाट रेष्टुरेण्ट सेक्टरको माथिल्लो तला पूर्णरुपमा क्षति भएको छ भने तल्लो तलामा क्षतिपुगेको छैन । आगलागीबाट करिब डेढ करोड भन्दा बढिको क्षति भएको दियालो फुडल्याण्डका प्रबन्धक मदन भण्डारीले बताए ।
बुटवल उपमहानगरपालिकाको दमकलको सहायतामा करिब ३ घण्टा पछि आगो नियन्त्रणमा लिएको इलाका प्रहरी कार्यलय बुटवलले जानकारी दिएको छ । आगो कसरी लाग्यो त्यसको बारेमा थप अनुसन्धान भइ रहेको र क्षतिको बारेमा थप विवरण आउन बाँकी रहेकाे प्रहरीले जनाएको छ ।
प्रतिक्रिया